ആത്മീയ ഗുരുവായ നീം കരോലി ബാബയുടെ ജീവിതവും അധ്യാപനങ്ങളും പ്രമേയമാക്കി ഒരുക്കിയ ‘ഹനുമാൻ അംശ്’ എന്ന ചലച്ചിത്രം 100 കോടി രൂപ കളക്ഷൻ പിന്നിട്ട് വിജയകരമായി മുന്നേറുമ്പോൾ, ചിത്രത്തിന് പിന്തുണയുമായി ഗുരുകുല വിദ്യാർഥികൾ തിയറ്ററിലെത്തിയത് ശ്രദ്ധേയമാകുന്നു.
ഒരു പ്രാദേശിക ഗുരുകുലത്തിലെ ബ്രഹ്മചാരികളായ യുവ വിദ്യാർഥികൾ തങ്ങളുടെ പരമ്പരാഗത വേഷവിധാനങ്ങളിലാണ് തിയറ്ററിലെത്തി ചിത്രം കണ്ടത്. പിവിആറിൽ ചിത്രം കാണാന് പരന്പരാഗത രീതിയിലുമെത്തിയ ഈ വിദ്യാർഥികളുടെ ദൃശ്യങ്ങൾ സമൂഹ മാധ്യമങ്ങളിൽ ഇതിനോടകം തന്നെ വൈറലായിട്ടുണ്ട്.
വിശാൽ ചതുർവേദി സംവിധാനം ചെയ്ത്, ശോഭിനാവ് സത്യാ പ്രധാന വേഷത്തിലെത്തിയ ഈ ചിത്രം ആഗസ്റ്റ് 7നാണ് തിയറ്ററുകളിൽ റിലീസ് ചെയ്തത്.
നാലാം വാരത്തിലേക്ക് കടന്നിരിക്കുന്ന ഈ ചിത്രം ബോക്സ് ഓഫീസിൽ വൻ വിജയമാണ് നേടുന്നത്. ഇതിനിടയിൽ ഉത്തരാഖണ്ഡ് സർക്കാരും ചിത്രത്തിന് നികുതി ഇളവ് പ്രഖ്യാപിച്ചിട്ടുണ്ട്. മുഖ്യമന്ത്രി പുഷ്കർ സിംഗ് ധാമിയാണ് സംസ്ഥാനത്ത് ‘ഹനുമാൻ അംശ്’ സിനിമയ്ക്ക് ടാക്സ് ഫ്രീ ഏർപ്പെടുത്തിയതായി അറിയിച്ചത്.
ഭാരതീയ ആത്മീയ പാരമ്പര്യങ്ങളുടെ കഥ പറയുന്ന ഈ ചിത്രം കാണാൻ വിദ്യാർഥികൾ കൂട്ടത്തോടെ എത്തിയത് സിനിമയുടെ പ്രചാരണത്തിന് പുതിയൊരു തലം കൂടിയാണ് നൽകിയിരിക്കുന്നത്.
